Welcome to the Byrnes' Family.

關於我

Sandy Byrne

Author:Sandy Byrne

現時身在英國的我, 喜歡帶著我的Blythe們四處走, 並替他們拍照留下足跡 =)

現在時間

顯示最近更新

■スポンサーサイト

2008/09/08 02:50

｜記事全文｜トラックバック：｜コメント：｜▲

■士多啤梨回來了

2006/11/30 02:21

還記得幾個月前我所介紹的士多啤梨糖嗎?

本身呢前男朋友 (好似好怪o甘不過我地要習慣喲

) 去香港之前話會買一大袋俾我的, 點知佢去香港之前果鋪買呢隻士多啤梨糖o既Stall唔見了

(而我返黎自己親身證實佢地真係走了

) 一直都認為我冇晒呢個機會再去食到呢隻德國出品o既士多啤梨糖

點知就o係我已經差唔多唔記得左呢隻糖o既存在之時, 同朋友行每年Christmas之前都會有o既German Market果陣, 俾我發現了Market有得賣呢隻糖呢!!!

不過十分的昂貴, 果陣我o係Mall到買99p 100g我已經覺得佢地賣得貴, 而家Market上面賣一包兩鎊

仲要每一句都唔知有冇100g

貴但又想食所以只好忍受下俾錢人地earn了

不過呢見返呢隻糖糖真係好開心呢

如果你地問我 "食返呢隻糖有回憶嗎?" 我話冇你地都唔信啦

不過可能人真係長大了, 以前會好努力o甘忘記呢D回憶因為覺得記得只會令自己唔開心, 但其實, 呢D回憶, 回味上黎其實都幾開心的呢

同場加影! 哈哈!

就係我同埋德國熱狗!

好好味好溫暖

可惜笨拙的我食到一半D sauses o係另一邊跌左落隻袖上面呢

(仲要係白色衫呀陰公

) 希望可以o係呢個Market離開之前可以試埋佢地D德國Burger同埋Beers呢

(年年都想試但年年都冇試因為冇人陪 )

最愛零食｜記事全文｜トラックバック：0｜コメント：6｜▲

■終於都買了 0

2006/11/29 02:00

相片為Queenie提供
大家見到個盒都知呢個係咩東東吧?

無錯喇呢隻就係五週年B Darling Diva呢隻女女相信係我玩B兩年入面最貴的一隻B

同一時間亦都係我第一隻週年B呢

而家佢o係好友Queenie家中希望可以快快讀完呢年之後快快返香港接女女返屋企喲

等我o係到講下買阿女o既背後故事

(雖然其實都唔係咩故事可言

) 鍾意女女o既原因係因為佢一頭白色頭髮, 就好似我大女雪兒o甘

其實初初冇諗過會得到佢, 但幾日前Queenie o係msn上面問我如果有貨要唔要, 就係o甘女女係我第廿二位千金了

(其實都唔係咩千金我呢個阿媽冇錢買衫俾佢地了

)

Blythe｜記事全文｜トラックバック：0｜コメント：4｜▲

■Announcement

2006/11/28 23:16

差唔多兩個星期冇打呢個blog了, 好多人都問我幾時先捨得update呢到呢? 我一直都以 "冇心情打" 為理由就o甘空左兩個星期去, 冇心情又何解呢? 原因就係因為十五號果日我同我男朋友分手了, 其實都幾唔開心的, 因為十五號果日本身係我同佢十三個月紀念日呢

好突然吧? 好多人都話 "下? 點解架? 你地兩個明明仲好地地架! 佢仲去香港陪你, 點解會分手架?" 知情者會知道其實一直我都冇做錯, 問題都唔係出o係我身上, 而分手原因o係好多人眼中都好似一個excuse o甘, 等我好簡單o係呢到交帶下

1) 佢而家呢一刻生命好多野發生緊, 佢爸要搬屋, 佢媽想佢快D買樓, 公司打算promote佢 (即係想推佢上一個高D o既position)
2) 佢覺得我要一個男仔俾100% o既時間我好似我俾果個男仔o甘而佢只可以俾到70%我, 換句話講, 佢覺得自己滿足唔到我
3) 佢話佢今年只係得二十歲, 而家所受o既壓力根本就唔係一個二十歲所受o既
4) 由於太多野發生, 並唔想我get involoved, 所以只好放棄我同佢之間o既relationship, 並同我講佢呢一刻並唔想有任何relationship
5) 佢想我move on但並唔想我let him go, 佢唔想我就o甘walk off of his life, 佢想同我做返朋友
6) 佢話佢而家所做o既一切係為左我同佢o既未來, 話佢想spend the rest of his life with me
7) 佢話佢要時間黎sort himself out, 由點樣look after himself probably到money management, 仲叫我俾D耐性
8) 當我問佢想唔想同我一齊一個o甘簡單o既問題, 佢簡單複雜化並同我講 "呢個並唔係一個Yes and No o既問題"
9) 當我問佢當佢sorted himself out之後我地會唔會o係返埋一齊佢o既答案係 "我唔會知個未來囉"
10) 佢想要得到我o既支持, 好似佢D朋友支持佢o甘, 但被問到 "其實你都唔係particularly need my support" 果陣佢o既回答係 "No I still need you as you are my friend"
11) 佢而家就話我acting too cool towards him, 話我act like到好似我唔想要佢, 我唔再愛佢, 我唔再care佢o甘喎

事情就係o甘樣, 佢自私嗎? o係我立場黎睇我覺得佢係自私的, 佢所講o既都只係諗住佢自己 (雖然佢係有話有諗到我) 佢所講o既所做o既都係以自己為出發點, 因為佢想要o甘所以就算我幾唔想都好我都要聽佢o甘樣做, 做唔到就話我acting cool towards him, 話我唔要care blah blah blah, o係我立場黎講我覺得佢所講o既都係為佢自己o既Benefit, 拖泥帶水就係呢D

搬屋o甘又點? 見唔到自己D朋友o甘又點? 你都話可以weekend見到你D朋友丫, o甘我點算? 我D朋友o係香港呀, weekend點見呀? 係咪叫我飛返香港之後叫佢地o係機場等我之後同佢飲個cuppa之後我就上返機返英國? 廿年未離開過自己個area即使搬都唔會離開兩個miles o甘又點? o係我黎英國前o既十七年我屋都未搬過添啦, o甘我又點? 講到自己好似好鬼慘o甘唔該o係你慘之前諗下我, 你at least仲有阿爸阿媽o係呢個國家, 只要你唔介意用45mins o既車程就可以見到你媽同你D朋友, o甘我點算? 我想見都冇得見, 個個都o係晒香港, 話要等到我o既支持o甘又唔見你支持返我? 你話你要呢樣果樣要我俾足你o甘又唔見你俾足我想要o既野?

好坦白一句, o係英國, 我除左o係錢上面俾你好過D之外我冇野俾你好... 唔該唔好講到自己好似全世界你自己係最慘o既人, 俾你更慘o既人多好多, 你而家所有o既壓力只係你自己俾自己, 冇人叫你不停o甘push自己, 仲有, 壓力呢樣野, 除左BB之外, 個個都有, 唔好用壓力呢樣野黎俾個excuse自己咩都大晒得唔得?

我所講o既就係o甘多, 呢個announcement亦o係我充滿住火藥味o既情況之下完成了

心情分享｜記事全文｜トラックバック：0｜コメント：7｜▲

■Queenie的畢業禮

2006/11/14 08:46

好友Queenie今日o係香港進行佢o既畢業典禮

雖然我身不在香港並親身出席佢o既畢業典禮

(雖然即使我o係香港佢都冇invite我去

) 但我o係英國派左兩位使者代替我的出現呢

o係呢到嘛, 希望Queenie前途光明

雖然當佢仲係大學生果陣跟同學同組果陣冇咩運, 讀得都唔太高興, 但知道你畢業喇我都為你開心

開心當然係因為畢業了, 但其次亦都好開心你唔洗再對住一D令你唔開心o既人

雖然搵工方面比你同我想像中難但唔好放棄呢

要相信自己所作o既決定

雖然比其他人遲左少少起步, 但正所謂 "遲到好過唔到" 為將來要俾心機呢

心情分享｜記事全文｜トラックバック：0｜コメント：2｜▲

■我回來了

2006/11/13 08:31

一整個weekend離男朋友而去地走左去朋友家玩

一玩就玩左四日三夜了, 一個好漫長的Weekend就o甘完結了

呢個Weekend本身應該係一個影女女相的好機會, 可惜天不做美

星期五去到朋友到個天已經黑晒了, 星期六落雨落不停, 星期日又係濕濕的, 之後星期一就返黎了

帶左兩個女去只係影左一個女女而且只係影得一張相o甘大把

仲要因為影果陣好大風已經手拎住了但條腰不停o甘被D風吹到向後反

變左呢幾日根本就冇咩點影相

雖然係o甘但都玩得好開心呢

開心之餘又係時候收拾心情了

明天一日我就要到一間小學到做Observation了, 希望一切順利Finger Cross

日常分享｜記事全文｜トラックバック：0｜コメント：0｜▲

■終於都到喇

2006/11/10 05:19

等待了一個多月好友Queenie寄俾我的Parcel終於都到左喇

一整個Parcel入面有新女女一隻, 名為Pipa

都係由好友Queenie改的

之後有Fisheye 2一部, 兩本Non No, 一份整衫仔用的粉筆紙 (因為唔知英國咩地方先有得賣呢D野

) 可愛的Mickey Mouse 2007年月曆一個, Hong Kong Disneyland Resort專用酒店拖鞋一對, 金幣兩枚, Anna Sui Hand Mirror一塊, 仲有就係Microwave蛋糕一件呢

o岩o岩開緊隻Fisheye同女女果陣男朋友黎了坐左一陣, 佢見到份Parcel笑我話我的Christmas提高了一個多月黎呢

其實成個parcel最期待o既出奇的唔係女女, 而係隻Fisheye 2

因為黎緊呢個週末我拋棄我的男朋友自己走去玩呢

一直都好希望隻Fisheye可以o係我出發前到達o甘我去玩果陣就可以帶埋隻Fisheye去影相了

所以呢呢個Weekend我應該唔會update呢到的了, 星期一就回來囉所以各位我地星期一再見了

新女女的相片我回來後再放上黎吧

日常分享｜記事全文｜トラックバック：0｜コメント：0｜▲

■終於都出喇

2006/11/09 09:31

等左半年我最愛男子組合Westlife終於都出新Single了

第一張Album single係從唱舊歌 "Rose" 做左六年Fan的我當然唔會錯過支持佢地o既機會

下個星期將會推出大碟 "The Love Album" 成隻Album將會係從唱好多愛情舊歌

成日都覺得佢地唱Ballad係最好聽的, Single中我最愛o既歌曲係 "Nothing's Going To Change My Love For You"

入面chorus果段係:

Nothing's gonna change my love for you,
You ought to know by know how much I love you,
The world may change my whole life thru but
Nothing's gonna change my love for you.

好想俾我所愛的Nicky知 "Nothing's gonna change my love for you" 呢

音樂｜記事全文｜トラックバック：0｜コメント：2｜▲

■最愛相片

2006/11/08 10:51

呢一張相係so far我同我男朋友最好o既一張合照

亦都係我同佢最鍾意o既相之一

其實呢張相本身係o係我舊電話到的, 之後買左新o既電話再bluetooth o甘send過去我新果部電話到, 而新果到可以connect住個電腦, 就係o甘終於唔洗再拎住部電話出黎周圍俾人睇張相好似o係到晒電話命o甘

呢張相其實係自拍的, 拍攝當日好凍但我淨係相中一身打扮o甘出左去

(入面只有一件冷衫

) , 當然長期都凍開o既男朋友出面同我一樣打扮但其實入面只係一件Tee

影相果陣我地兩個同埋朋友一齊o係Pub, 不過個朋友行開左我地兩個又冇野做所以就玩自拍了

其實影左好多張相我男朋友都有半塊面hide左o係我塊面後面

一班人影相果陣還好大家都仲可以見到佢正面但同佢兩條友影合照果陣佢永遠都只係得六四面見人

叫過佢好多次同我影相果陣正經D俾返個正面我睇但當埋位擺Pose果陣佢塊面又會去埋一邊的了

加上影相永遠都好似未訓醒o甘, 叫過佢一次兩次三次都係o甘所以我已經進入左放棄狀態了

同埋唔知係咪因為佢係白人所以supposed係應該白丫定係還是係我真係o甘黑?

同親佢影相佢都好似返晒光o甘而我就食晒D光

有時同佢影相影完出黎覺得自己好似o岩o岩去完非洲晒完返黎o甘呢

不過點都好, 只係想同大家分享一下的喲

心情分享｜記事全文｜トラックバック：0｜コメント：2｜▲

■試相

2006/11/07 09:37

新買返黎o既電話可以影出好高Quality o既相

加上佢有得睇你影之前係咪on focus緊, 所以我而家就試下睇下影左出黎會係咩樣的呢

由於我仲未好識用部機所以好多Functions我都仲係摸索中, 但都o係呢到做一個比較吧

兩張相我都冇攪過除左resize之外

冇打燈

有打燈

日常分享｜記事全文｜トラックバック：0｜コメント：0｜▲

■終於都收到了

2006/11/06 05:39

等左成個月, 終於都收到本 "This Is Blythe" 同 "Hello Blythe postcard collection" 了

好鍾意Gina Garan影o既Blythe相, 睇親佢D相都會好有衝勁想幫D女影多D相

我自己覺得Gina影出黎o既Blythe相有一種味道, 一種好似只有佢先影到出黎o既味道

本書仔D相係第一次以Blythe做主題o既書, 而另一個就係Postcard collection, 好希望有朝一日自己影o既女女相都可以做成postcard呢

(發夢中

)

日常分享｜記事全文｜トラックバック：0｜コメント：0｜▲

■新電話

2006/11/05 02:42

最後一次換電話已經係2005年Summer返香港之前o既事囉

電話呢方面一直都冇咩運, 冇運唔係因為部電話成日都壞, 冇運係一係唔見一係就俾人偷左

仲好記得第一年去英國, 果陣我好少出Birmingham所以難得同埋幾個同學落去行下應該係好開心o既事, 無奈果日我就俾人偷左我部電話

之後返香港mammy買過一部新o既俾我, 點知唔夠一個星期就唔見左了

最後返黎英國之前只係買左一部好cheap的用左一年多D, 之後一直都冇咩問題發生直到兩年前返香港, o係旺角個電話由個褲袋到俾人偷左

最抵死o既係自己feel住個電話離開左個身

可能買左好多次教訓所以對電話呢樣野我而家好警覺

呢排一直都想轉台由Vodafone轉去O2, 因為而家成日Contact o既朋友主要都係用O2, 加上男朋友又係O2, 所以今日同男朋友行街順個手睇下電話o甘

一直都比較鍾意摺機但無奈英國D摺機樣醜到唔可以再醜, 最後因為價錢同埋其他功能方面我就要左相中果部了

電話就買了但台就反而未轉, 因為我而家係用緊Pay As You Go, 要連number轉台要打電話拎左個Pak Code之後再打另一個電話登記返, 無奈呢一切佢地係唔會幫你做要你自己做仲要打電話o既時間係辦公時間

(爆串

) 所以咩都未攪我就已經買左部電話返黎先囉

日常分享｜記事全文｜トラックバック：0｜コメント：2｜▲

■Bonfire Night

2006/11/04 08:58

一年一度o既Bonfire Night又黎了

上年我同男朋友仲有佢一個朋友加埋佢個女朋友一行四人去左Himley Hall睇煙花

仲記得上年果日早上落雨落到七彩但好好運夜晚個天好清, 無奈Himley Hall D泥因為落完雨o既關係變得出奇o甘嘔心

走果陣要男朋友抱起我行完D泥先放返我落地

同一個節日仲做埋同一樣o既野但唔同地方了

我地兩個去左佢Step Grandma果到玩煙花

平時o係香港我地睇人放就睇得多了但今次我自己都放左一支名為 "Rocket" o既煙花呢

因為做點火果個所以自己放出黎果個冇影相, 同埋可能係第一次所以好驚個煙花會爆落自己個身到

雖然只係o係人地個花園到放煙花但都睇得好開心呢

而我地放緊煙花都發生左兩件危險但好好笑o既趣事, 第一件就係o岩o岩放果陣佢地估唔到個煙花會飛得o甘短同埋o甘大個, 所以一點果陣個煙花就o係我地前面爆開了

嚇到真係走都走唔黎

而第二件事呢, 就係因為佢地買左好多煙花, 有一個neighbour一家四口o甘企左o係個window到睇我地放, 點知其中一個上天果陣有風, 吹左去佢地果邊

不單止o甘, 仲要o係正佢地個window前面爆開呢

嚇到我地以為會燒左人地間屋而我諗果間屋o既人都以為我地有心冇心之下想燒死佢地吧

今年雖然比上年凍但佢個Step Nanny好有氣氛地o係花園上面做左一個少少火作為暖下個環境之餘亦都襯返個節日呢

節日｜記事全文｜トラックバック：0｜コメント：4｜▲

■What Gender Is Your Brain?

2006/11/03 03:54

Your Brain is 80% Female, 20% Male

Your brain leans female
You think with your heart, not your head
Sweet and considerate, you are a giver
But you're tough enough not to let anyone take advantage of you!

What Gender Is Your Brain?

o係Anmary個Blog上面見到有一個o甘o既心理測驗玩呢

估唔到我個腦有80%係Female而得20%係Male

o甘其實係咪即係指我諗野其實都幾女仔下呢?

不過我本身係女仔所以有呢個 "分數" 都應該係正常吧

如果大家有興趣都可以玩下分享下喲

心情分享｜記事全文｜トラックバック：0｜コメント：4｜▲