■スポンサーサイト
2008/09/08 02:49
|
|
|
|
｜記事全文｜トラックバック：｜コメント：｜▲
|
|
|
■Dasha試新衫
2006/06/29 13:29
|
早幾日同好友Queenie行街打算買新衫衫俾新女Dasha  由於早排 "一脫成名"  所以同Queenie行街果陣已經決定了要買一D好女人味o既衫仔俾佢黎襯返佢而家o既image哈哈 下面呢個係換左衫o既佢, 唔知大家覺得點呢? 
|
|
Momoko｜記事全文｜トラックバック：0｜コメント：2｜▲
|
|
|
■公仔meeting - Blythe與其他公仔篇
2006/06/28 12:45
|
其實成個公仔Meeting入面呢我有帶埋我愛女Cocomi去的  無奈meeting中除左我家出動了唯一一隻Momoko Dasha之外, 原來其他人都帶了他們的寶貝出來  而且他們的寶貝雖然個子小小但卻非常昂貴 但都好漂亮的呢  就係o甘變左我淨係同左我個女影左一張加埋同場出席o既Blythe之外, 全程都o係到影人地的寶貝喲  唔好講o甘多囉, 而家去相
請Click以上圖片看更多的相片
|
|
聚會｜記事全文｜トラックバック：0｜コメント：0｜▲
|
|
|
■公仔Meeting - Momoko篇 (室外)
2006/06/27 23:57
|
成個公仔Meeting中玩到最後我新女Dasha竟然熱到上左腦  話要黎一個 "肉照" 估唔到女女雖然出世冇耐但都o甘有睇頭 雖然女女今次係冇著衫, 但並希望各位可以以 "藝術" o既角度黎睇呢set相片 女女今次 "一除成名" 更成為各位出席o既朋友們o既焦點呢 
請Click以上圖片看更多的相片
|
|
聚會｜記事全文｜トラックバック：0｜コメント：4｜▲
|
|
|
■公仔Meeting - Momoko篇 (室內)
2006/06/26 15:37
|
琴日帶左新女Momoko Dash去公仔Meeting 發現原來佢真係好好影呢 可能因為手腳可以根據我自己所想o既, 個頭又可以轉黎轉去, 所以雖然meeting中我都帶左十八愛女Cocomi出去但最後因為呢個新女女實在太好影了所以Cocomi只係有五張唔過o既相片 相反, 新女Dash相片無數  唔好講o甘多, 而家先黎一個室內 "正常" 相片
請Click以上圖片看更多相片
|
|
聚會｜記事全文｜トラックバック：0｜コメント：0｜▲
|
|
|
■公仔Meeting
2006/06/25 04:44
|
今日終於係公仔Meeting o既大日子囉 出席人數都有成十個人的呢 雖然今次個Meeting主要唔係我D女女但到最後新女Dasha成了各人o既主角 Meeting中唔知點解有好似好多 "兒童不宜" o既野發生 而我新女Dasha更是呢一個 "兒童不宜" o既主角  (都是我呢個阿媽教得唔好  )
今次meeting好多謝小南o既邀請 雖然除左小南之外我唔太記得大家個名  (呀, 仲記得o係餐廳坐我對面果個女仔都係叫Sandy  ) 但都希望下次有機會再玩過呢 o係呢到要講返句 "Nice to meet you all ah "
由於唔太識點樣可以set到自己想要o既size再俾人Click落張相到睇大, 所以唯有用server所提供o既功能黎俾各位Click了 細左少少請見諒呢 Meeting的相片將會好快地放上網的喲
請Click以上圖片看大的相片
|
|
聚會｜記事全文｜トラックバック：0｜コメント：0｜▲
|
|
|
■已經準備好了
2006/06/24 02:51
|
當我仲o係英國果陣, 經過呢個Blog site, 認識了一名B媽小南 由果陣開始我就成日都去佢個Blog到睇, 而佢都經常光顧我呢個Blog 因為o甘大家都o係各自o既Blogs上面留言俾大家  o係佢o既Blog上面成日都見到佢同佢D朋友成日都帶住自己D仔仔女女出去影下相, 聚會下o甘 由於我所出現o既公仔Meeting唔多, 玩左差唔多兩年都只係出席過幾個所以佢D公仔同埋其他人D公仔一齊影相一齊玩令我百般羨慕
小南早o係我返香港前就好好心地約我返香港之後黎一個娃聚 由英國期待到返黎香港, 終於, 呢一個大日子就到了 明日會同小南同埋佢D朋友加好友Queenie一同出席娃聚 而且明日o既聚會將會有好幾種唔同o既公仔出現呢 心情緊張之餘亦好期待明天o既黎臨 所以o係一到想跟小南講聲 "Thank you very much for the invitation ah"
女女方面嘛, 其實都冇��options 所以最後決定左帶Cocomi (CuCu) 本身打算買返套新衫衫俾佢for tomorrow meeting的但最後用了買新衫衫的錢換了Dasha (Momoko) 返黎  而經過琴日亂影出來o既相片, 決定了帶埋佢一齊去了
|
|
日常分享｜記事全文｜トラックバック：0｜コメント：1｜▲
|
|
|
■新女女初報到!
2006/06/23 00:00
|
今日同好友Queenie出去行街 本身打算買衫俾自己D B女的, 但因為我英國B女衫多到爆晒箱 加上又睇中左隻Momoko, 其實上年我本身已經訂左一隻, 但由於自己想要又唔想要之間所以最後都係冇要到 今日見到一隻, 價錢都幾抵的, 所以最後放棄買衫俾B女而受唔住引誘買左一隻了
名字方面都係由好友Queenie所改的 由來係因為原來隻Momoko叫做 "Dash After School" 就係o甘同佢決定左女女叫做Dasha, 意思即係Gift of God呢
請Click以上圖片看更多的相片
|
|
Momoko｜記事全文｜トラックバック：0｜コメント：2｜▲
|
|
|
■士多啤利好好味
2006/06/18 04:02
|
仲o係英國果陣成日都同男朋友去佢屋企附近o既Shopping Mall行街 Mall入面有一檔賣糖的, 成檔野D糖都係由��國出的 好多款, 不過o甘多款入面我最鍾意都係相中女女拎住果隻士多啤利糖 其實好多地方都有得賣, 好似普通賣糖o既地方, 戲院等等等等o既地方都有得賣, 不過都唔夠果一檔的好食 因為o甘成日行開都會叫男朋友陪我去買 由於已經返左香港, 所以走之前同男朋友再一次幫襯呢一檔, 買了一袋要慢慢食喲 不過呢男朋友知道我鍾意食呢隻糖所以佢黎香港果陣會買一袋俾我呢
所以o係呢到希望男朋友快D到香港o甘我就可以快D食到呢隻糖糖了
|
|
最愛零食｜記事全文｜トラックバック：0｜コメント：8｜▲
|
|
|
■安全到港了
2006/06/17 02:28
|
經過差唔多十二個鐘頭o既飛機終於都返到香港了 成個行程都ok順利的 唯一一個問題就係Check in過行李果陣有超重o既情況 變左要從新再pack過D野 因為時間緊迫, 變左再Pack野果陣D野好亂 因為o甘返到屋企之後先發現女女一對原廠鞋仔唔見了... 唔知有冇可能可以買返一對差唔多樣的呢...?
|
|
日常分享｜記事全文｜トラックバック：0｜コメント：2｜▲
|
|
|
■上飛機喇
2006/06/16 08:18
|
今日終於上機喇 今日要搭差唔多四個多鐘頭o既巴士落London, 之後再等四個鐘頭上機 之後再過多十一個半鐘頭我就返到香港喇 各位我地香港見囉
|
|
日常分享｜記事全文｜トラックバック：0｜コメント：6｜▲
|
|
|
■八個月紀念
2006/06/15 23:18
|
開心o既時間真係過得特別快, 話o甘快跟男朋友拍拖八個月了 不過未來兩個月並不能相見, 希望男朋友乖乖的喲
|
|
日常分享｜記事全文｜トラックバック：0｜コメント：0｜▲
|
|
|
■仲有三日
2006/06/14 10:56
|
快回港了, 心情嘛... 開心與不開心之間...
開心o既...
話晒返屋企, 見屋企人, 親朋好友
講我自己熟識o既語言
去我自己熟識o既地方
見我自己熟識o既人
食我熟識食o既食物
一切o既野, 只有返屋企, 只有返香港見有, 只有返香港先感受到
唔開心o既...
從新開始習慣香港o既生活
從新開始習慣香港o既天氣
從新開始習慣香港o既一切
�彭垤セ�從新再黎過o甘
每一年返親香港自己都好似一個 "新移民" o甘, 每一次行街見到D對我黎講好新奇o既野, 朋友們都會話 "下? 出左好耐喇喎" "下? 你唔係唔知嘛?" 感覺自己好 "Out" 唔係一定要人地所謂o既 "入潮" 只不過覺得自己好似成個白痴一樣, 呢樣唔知果樣唔知
而令我最唔開心o既, 就係要同男朋友分開兩個多月o既時間...
太過習慣每日一個電話, 太過習慣每個週末同佢一齊, 太過習慣同朋友出街都會叫埋佢, 雖然只係短短八個月 (星期四就八個月了) 但由於所有野都 "太過習慣" o既關係一時間話分開兩個多月仲要冇得見, 個心總係有D不安....
其實一月果陣同佢都試過因為返香港而分開過一下 (我返香港過年呢, 返左去三個星期) 記得果陣心情仲要比而家緊張同不安, 因為果陣同男朋友拍拖唔耐, 加上對上幾次戀情失敗, 比較驚再一次俾人Hurt, 加上果陣屋企人叫話返屋企呢頭叫到果頭又話飛了, o係一個同男朋友未好安定o既時期話分開, 知道自己唔夠一個星期就返香港, 走之前同佢日日見面, 每一次見面每一次分開我都喊得 "死去活來" 每一次我喊佢都話我諗得太多, 仲話 "分開呢三個星期就當係一個考驗吧, 我相信呢一次分開只會令到我愛你更多嘛" 仲安慰我話 "三個星期過得好快的, 最緊張你保持自己不停地忙碌著, 三個星期轉眼間就過了, 到時我只怕你不再想回來呢"
冇錯丫, 三個星期真係話過就過, 去到最後幾日我心情一直都好矛盾, 想快D返英國, 因為男朋友o係呢邊等緊我, 唔想返英國, 因為屋企人朋友都o係晒呢邊, 因為佢, 第一次因為離開英國而喊, 亦因為佢, 第一次由香港返英國冇喊之餘仲要帶住一種好期待o既感覺...
但係今次係兩個月呢, 兩個月都已經八個星期了, 八個星期不能見面, 只能靠網上面同電話交流, 我唔知點解有D驚... 對佢信心唔夠嗎? 又唔係丫, 對我自己信心唔夠嗎? 其實我好怕講 "放假返屋企" 呢個topic, 雖然唔係成日講呢個topic都唔係成日都問呢樣野但有時對住佢覺得自己一提呢D "要分開" o既topic, 佢都會望住我對眼並要求我望返住佢, 好肯定o既對住我講 "除左你, 我唔會想要另一個"
兩個月, 真係好快過嗎? 我淨係覺得未來兩個月將會過得好慢好慢同好慢...
|
|
心情分享｜記事全文｜トラックバック：0｜コメント：2｜▲
|
|
|
■終於都去了
2006/06/10 09:36
|
呢幾日天氣都仲係好好 日日都係藍藍o既天加一大個太陽o係頭頂呢 帶左女女出去影下相 其實呢個公園我想帶女去好耐架喇, 因為唔遠, 加上都有好多遺跡o係果到 但因為天氣唔好再唔係就係因為太凍所以冇去到 終於都如我所願地去左影相了 果日真係好熱呢, 有隻廿五度溫度之高 希望一直都好天落去就好了
請Click以上圖片看更多的相片
|
|
外出遊玩｜記事全文｜トラックバック：0｜コメント：4｜▲
|
|
|
■仲有一個星期!!!
2006/06/09 01:32
|
仲有一個星期我就由London上飛機飛返香港喇 時間過得真係好快呢 女女回港名單已經出左喇 除左會帶Tiffany (T42) 同 Cocomi (CuCu) 之外, 如無意外應該會帶Nimeesha (WMN) 同 Ciara (CG) 呢 唔知網上面forums會唔會攪B meeting呢? 如果有的話我想參加喲
|
|
日常分享｜記事全文｜トラックバック：0｜コメント：2｜▲
|
|
|
■散步
2006/06/08 01:21
|
連續兩個星期太陽伯伯都不厭其煩o甘日日高高地掛在天空下 等左差唔多一年o既時間就係為左呢D天氣 當然我唔會浪費左呢D難得o既好天氣帶女女出去散下步啦 雖然只係o係屋企附近行左一個圈, 但太陽o既熱力已經足夠令我同女女差D溶左 不過天氣o甘好唔能夠埋怨, 只希望天氣一直都o甘好落去 o甘女女就唔洗成日留o係屋企可以出下街影下相了
請Click以上圖片看更多的相片
|
|
外出遊玩｜記事全文｜トラックバック：0｜コメント：4｜▲
|
|
|
■禮物
2006/06/07 04:52
|
由於就黎返香港 男朋友家知道佢地將會有三個月見我唔到, 為我舉行左一個燒野食之外佢地仲送左D小禮物俾我添 o係佢家中個個人都知道我好鍾意Mickey Mouse的, 所以禮物方面佢地都係送Mickey Mouse o既野俾我為主 因為知我實鍾意 其實我係唔expect會有禮物收的, 佢地出席已經好開心了
其實知佢地為我舉行燒野食已經覺得好開心加感動的了  之後男朋友另加一句 "You are a part of the family" 再多一點的感動呢
|
|
日常分享｜記事全文｜トラックバック：0｜コメント：4｜▲
|
|
|
■瘋狂四人組 =P
2006/06/06 08:05
|
相片中除左我跟我男朋友之外 (男朋友相片終於公開了 ) 相中仲有一對情侶, 其實認識佢地真係好機緣巧合的 由真正認識到而家只係短短一個月o既時間但一行四人成日都一齊出去 男的有男的傾計, 女的有女的發癲 由於身邊兩位男士太過好學所以兩位女士成日都忙於翻譯
不過因為我下個星期五就上機返香港, 所以 "四人行" o既生活將要暫停 未來一個月男朋友都仲會見到佢地兩個, 但由於相中另一位中國女仔都係香港人, 所以佢下個月都會返香港一個月, 而其男友會跟佢返香港三個星期 當佢地返黎英國果陣就到我男朋友離開英國去香港玩兩個星期呢 (諗親都好興奮 ) 所以下一次 "四人行" 將會係十月o既時候了
雖然有D依依不捨 但係時間過得好快, 好快又可以再見面, 好快又可以再一次 "四人行" 囉
|
|
日常分享｜記事全文｜トラックバック：0｜コメント：0｜▲
|
|
|
■終於都有街街去了
2006/06/05 09:44
|
出世o甘耐女女終於都有街街去了 今次好特別, 由於之前被男朋友差D激到掛掉保貴的生命 加上o岩o岩過左果個Weekend係我返香港前最後一個一齊過o既Weekend, 所以男朋友俾左一個少少o既Surprise我 就係帶我去左Wales玩左一日 由於只係得一個所以影相影得好急趕呢
今次係我地拍拖七個月多以黎第二次去Trip 我地見呢幾日天氣好好所以去左近海的Barmouth玩一日呢 呢個Town雖然唔係好大但好大個沙灘呢 差唔多一年冇去過沙灘o既我好可惜時間緊迫所以冇機會親 "腳" 感受下英國的夏天 不過影左好多相呢 (自己的同女女的 ) 由於今次o既旅程實在太沒有arrangement 所以男朋友話當我返英國之後再帶我去多一次, 仲有安排得好少少添呢
雖然係o甘但由於呢個Surprise之前D氣完完全全消失晒囉 今次呢個旅程帶了第十七女Acacia去 因為女女係男朋友送俾我o既生日同聖誕禮物, 加上佢出世o甘耐都冇出過街呢 所以今次旅程就帶左佢去囉 下面張相呢, 除左女女之外, 男朋友亦被我有意無意之中無奈地成為主角了
請Click以上圖片看更多的相片
|
|
外出遊玩｜記事全文｜トラックバック：0｜コメント：2｜▲
|
|
|
■夏天終於到了!!!
2006/06/03 00:05
|
夏天終於到了 今天個太陽十分猛烈, 由於不多想出外四處走但又不想浪費了這一個良好天氣  因此帶住女女到後園影了數張相片呢 希望天氣一直都是如此, Weekend可以帶女女們出外拍照呢
*請Click以上圖片看更多相片*
|
|
外出遊玩｜記事全文｜トラックバック：0｜コメント：0｜▲
|
|
|
■兩個星期
2006/06/02 11:37
|
仲有兩個星期就可以回港了 經好友Queenie的提醒, 原來早幾個月前就已經決定了帶Tiffany (T42) 同 Cocomi (CuCu) 返香港過Summer的了 其實我就想帶多一至兩個女女回港但又怕返到去之後又會再買女女變成回英國果陣太多女女一同回英國 變左而家進入煩惱中, 到底好唔好多帶一個女女呢? 如果真係帶, 又帶多邊一個好呢?
|
|
日常分享｜記事全文｜トラックバック：0｜コメント：2｜▲
|
|
|
■兒童不宜
2006/06/01 06:33
|
真．討．厭
我想知你要個電話黎做��? 你要個電話黎係買黎睇丫定係買黎俾其他人搵到你而你又可以順手搵下其他人呢? 打俾你你可以唔聽之餘唔會打返電話俾我o既o甘你要個電話黎做��? 人地打俾你你冇聽呢你就一定會打返俾人, 我打俾你你冇聽呢就可以大條道理等我打多次俾你? 萬一打俾你果個人唔係我而係有人用左我電話打俾你同你講我死左你唔聽o甘你呢一世都唔會知我死左架喎兄台?! 係唔係即係要我有事先打俾你冇事就唔好打俾你呢? 如果係o甘的話唔該早單聲, 我唔會再因為打電話俾你而有o甘多煩惱, 白頭髮少幾條之外電話費從中都慳唔少
真係好憎人唔聽電話, especially someone who is so important to me
唔好同我講你個電話又留左o係公司, 我一定會唔信! 成日都唔記得帶電話返屋企我買條電話繩俾你當狗帶o甘帶住o係條頸到!!
都唔好同我講你好tired因為如果你真係o甘tired o既話放工唔該即刻返屋企訓到第二朝先起身返工!! o甘tired放工唔應該周圍去!!!
更加唔好同我講你冇Credit!!! 我已經冇要求你Text我同打俾我所以你D Credit唔會落晒去我部電話到, 去晒邊我唔會問但唔該你自己好好o甘諗諗到底去晒邊一個到!!!!
仲有, 你就算電話冇Credit用屋企電話打俾我都得掛? 屋企電話你老豆俾錢就唔可以打俾我o甘唔該你D朋友搵你你冇Credit唔好用屋企電話打返俾佢地喇!!!! 你老豆俾錢架!!!!!
我唔發出黎唔等於我冇脾氣, If you don't even bother to give a f*cking sh*t, I won't f*cking be bothered anymore as well!!!!
要講o既係o甘多, 不過呢個只係一個中文version, 英文version我搵到你或者見到你果陣我．慢．慢．同．你．翻．譯
|
|
心情分享｜記事全文｜トラックバック：0｜コメント：2｜▲
|
|
|
|
|
