今日係女女兩歲生日  唔經唔覺原來玩B都玩左兩年了 呢個女兒陪我渡過左好多野, 令到心情好的我更加好, 心情唔好的我會因為佢而心情有好轉  而個女女仲陪我渡過了我o係英國第一次的唔開心呢 
生日一年先一次, 所以今年專登帶埋女女出去影下相  呢幾日天氣都好反常, 太陽陰天又風又雨之後又太陽, o係一個o甘難推測o既天氣下一直祈求今日有太陽, 可能個天見有壽星女o係到所以o係我帶佢出去影相果日出太陽呢  (當然當我地兩個回家後天氣又變了陰, 之後仲落雨了  )
影相期間發生了一件我相信我呢世出去影女都唔會唔記得o既事  因為平時我好鍾意帶女出街影相聽住歌o甘影的, 話說我就o岩o岩放低個女同佢整好晒個pose打算開機影相果陣無拉拉有個�鄂雄塑�o係個女o既旁邊 從來都未試過俾女女同一個陌生人o甘close嚇到我拎起個女拎都拎唔黎  我望住個�鄂�佢先開口話想我用我相機幫佢同我個女影相  影完之後佢一句國語 "謝謝你" 當然我已經俾佢嚇到面無表情, 之後我拎返個女, 好快o甘塞返住個耳仔, 之後唔知佢講左D�彌∩�了
我相信以後如果我要放低個女黎影相我一定唔會兩隻耳仔塞實晒黎聽歌, 一定會留返一隻耳仔出黎聽下周圍有冇人行埋黎呢 
請click以上圖片看更多的相片
|
生日｜記事全文｜トラックバック：0｜コメント：0｜▲
| |
|
■介紹 - 四女寶兒
2006/03/30 02:58
|
由於家族成員中可以set頭髮o既比較少, 大女雪兒 D頭髮果陣仲係Curly, 變左髮型o既變動好少, 二女Tiyli D頭髮雖然係三個中最滑o既一個, 但因為頭髮長度比較不一同埋因為成日都係幫佢改變髮型有D悶 三女Daisy頭髮比較乾旱  (果陣未知道可以幫女女洗頭  ) 變左好想要一隻頭髮有一定o既長度, 變化可以大D o既
再一次進入 "母親的決擇"  o係網上面見到T42同PWP的頭髮係o係果陣o甘多個女女仲最長同埋最直o既, 上網好努力o甘找尋佢地o既蹤跡 好明顯的換到T42 o既機會真係好少, 同埋都比較上貴 加上果陣PWP的蹤跡真係邊到都見到, 便宜的貴的也有, 選擇性都好多, 所以最後我決定了要PWP
當女女到步之後發現佢真係好靚  雖然頭髮都係比較旱, 但整體上黎講佢O既出現已經拎晒家族成員o既風頭  一把長長o既ginger頭髮, 面仔紅卜卜的, 整個妝都好sharp, 無論o係上鏡上定係現實上, 很得人心  就係o甘呢個女女就成為左家族中其中一個最得寵的 
同年返香港過Summer, 呢個女女都係俾我帶出去的最多 加上同年我跟家人去了意大利旅行, 同行o既女女都係佢, 可想而知佢o係家族o既地位真係好高的呢 至於佢個名字方面嘛, 其實一早決定了叫做Polly的了, 但又想俾佢一個中文名字, 眼見女兒名字叫Polly, 不如就將佢變用一個中文名字吧, 就係o甘, 女兒就係叫做寶兒了
請cick以上圖片看更多的相片
Name: Polly Byrne
Date of Birth: 7th May 2004.
Place of Birth: Birmingham, the United Kingdom
Type of Blythe: Pow Wow Poncho (PWP)
Body type: SBL
Customized: None
|
|
介紹｜記事全文｜トラックバック：0｜コメント：2｜▲
| |
|
■新衫試著
2006/03/29 08:35
|
早排知道好友Queenie好努力o甘做衫仔, 佢仲整左一件俾我呢 不過收到之後佢有要求, 就係套衫仔只可以俾我其中一個女女 - Lavender (YSL) 著, 因為佢專登整多件就係為左俾佢的 琴日已經收到衫仔了, 今日先有時間幫女兒換上加set返個靚頭仔呢
裙仔手工好靚, 尤其係珠仔上面o既手工, 好細緻呢 可能睇得出製作人o既心機同埋心血, o係呢到, 多謝你呢Queenie 套衫仔真係好襯女女呢 好靚
請click以上圖片看更多的相片
|
|
日常分享｜記事全文｜トラックバック：0｜コメント：4｜▲
| |
|
■終於都黎到了!!!! ***0***
2006/03/28 16:08
|
經過左成個星期o既等待, 我D女女們終於由香港到達身在英國o既我了 由於包裹入面有一隻B女加一隻P女, B女方面我已經決定左o係男朋友生日果日我先放佢出黎呢 至於P女方面嘛, 因為等唔到所以就放左佢出黎先囉 (而呢一隻女女仲變成了男朋友最愛女女之一  )
女女名為Roxanne, 名字都係由改名大師Queenie改的呢 由於影P經驗唔多, 加上呢隻女女俾人感覺太punk了, 所以o係影相方面唔知道應該點樣影好, 所以好是但地影左幾張 "出世後" 的相片了
請click以上圖片看更多的相片
|
|
日常分享｜記事全文｜トラックバック：0｜コメント：3｜▲
| |
|
■我的 *第一次*
2006/03/27 08:34
|
一直都好想整衫仔俾女女, 但由於各方面o既原因一直都未整到 (其實最大原因都係因為太懶了 ) 今日終於都的起心肝親手做衫俾女女了 呢一次係我第一次親手整衣服俾女女呢
布料, 紙樣同所須要o既用具其實早早就買齊了, 因為係第一次所以用左我差唔多四個小時黎做一件上身衫仔 加上因為唔知道原來背部o既紙樣係要正面一個反轉紙樣再一個所以做左兩個同一樣的 唔太熟識拎針線o既我條線都唔知同支針分開左幾多次呢
經過左無數次o既出錯, 第一次整o既衣服出奇地o岩女女身  不過可能因為我上線果陣上得太入了所以女女著上身果陣比較困難 不過整體上黎講我自己幾滿意自己的第一次呢 希望手藝快D俾而家好, o甘就可以整多少少似樣D o既衫俾女女了
請click以上圖片看更多的相片
|
|
手工｜記事全文｜トラックバック：0｜コメント：3｜▲
| |
|
■介紹 - 三女Daisy
2006/03/26 10:26
|
買左I Love You It's True (IOU) 唔夠一日我就為家族�甓誕唇賁樟�員 - Sunday Very Best (SVB) 因為兩隻都係同期出現所以都唔知Choose邊一隻好  雖然我首先Choose左IOU, 但最後都抵受唔到SVB o既魅力呢
初初買左佢返黎之後都好錫佢的, 但佢都係屬於我比較早期擁有o既女女, 大女雪兒 個頭成個癲婆o甘, 二女Tiyli把頭髮好靚同埋好上鏡, 變左雖然呢隻女女係我第三隻但其實我全部精神都放晒落Tiyli到, 再加上之後女女o既數目不斷地�甓�, 變左Daisy o係好早期就已經俾我kind of打左落冷宮了
o係2004年個Summer入面, 我帶晒全部o係英國出世o既女女返香港, 除左幫雪兒做一個負離子直髮之外, 我仲幫呢個女女霧左面呢 霧左面之後o既佢雖然有一少段時間得寵但因為個樣太病o既關係所以再一次俾我冷淡的對付
直到2005月初, 同好友加上係改B高手o既Queenie o係網上面傾計, 同佢傾開我呢個女女, 之後佢鼓勵我幫呢個女女改妝 就係o甘我o係佢o既鼓勵之下我幫女女加返個blush, 從新油過個咀仔, 因為家中有好多唔同顏色o既眼片, 就係o甘一夜之間女女從家族中由唔起眼變成左我現在最得寵之女兒之一呢 女女曾經試過做Curly hair, 但因為手勢不太好加上用得太多頭髮作一組黎卷, 變左電髮係失敗的呢 雖然係o甘, 但其實我自己本身都係比較鍾意直頭髮o既女女呢
有關佢個名字嘛, 其實都冇�彳段姪�, 果陣應該想改一個名同佢公司俾佢o既名有關, 最後因為SunDAY Very Best o既原因改名為Daisy了 仲有一件有趣o既事, 見人地的SVB前陰個個都是齊的, 唯獨我家o既前陰係出現一個 "V" 型, 可能因為o甘令到我更加愛家族三小姐 - Daisy吧
請click以上圖片看更多的相片
Name: Daisy Byrne
Date of Birth: 3rd April 2004.
Place of Birth: Birmingham, the United Kingdom
Type of Blythe: Sunday Very Best (SVB)
Body type: SBL
Customized: 霧面, 改了Blush colour, 油了咀咀為紅色 (很sexy ) 換晒眼片, 分別係左眼粉紅色加閃紙, 正眼原廠藍色, 右眼橙色加閃紙, 正眼海�竸Р蛋�紙, 換左人用眼睫毛
|
|
介紹｜記事全文｜トラックバック：0｜コメント：7｜▲
| |
|
■終於都有街街去了
2006/03/24 08:56
|
今日o既天氣係估唔到的好 雖然早上起身氣溫只係得-4度, 但因為太陽伯伯不停地晒住變左到中午時氣溫已經回暖至六度呢 天氣難得o甘好又係時間帶下女女出下街街遊玩一下囉
今日放學後我帶了好耐冇去過街街o既Daisy出去Birmingham走左一個圈 其實年半前佢都已經去過Birmingham了, 但因為我唔太識路 (其實都幾冇用黎左o甘多年都唔太知�彙亙�係可以影靚相 ) 所以只好再去多一次了
不過呢今日去o既景點同佢之前去o既唔同, 今次我帶佢去左r另一邊的City Centre 發現原來果邊影相o既地方都幾多下, o係一個唔expect o既情況之下女女都影左唔少相相呢
請click以上圖片看更多的相片
|
|
外出遊玩｜記事全文｜トラックバック：0｜コメント：5｜▲
| |
|
■轉形象了
2006/03/23 10:00
|
最近Haruhi成日都搵佢隻VM (名Poi) 做model, 自己本身都有一隻, 但無奈因為唔太識點樣幫佢打扮變左好多時都俾我打入落宮 眼見佢將佢的VM打扮得靚靚的, 終於都 "的" 起心肝幫我自己的打扮一下了 
今日太陽終於都捨得出黎了  雖然氣溫都係只係得四度但個太陽係真係暖的呢 首先幫我的VM除了頭上o既膠圈 (因為之前佢D前陰亂到七彩 ) 之後就開始打扮頭髮了 好耐冇真係幫佢set個髮型了, 呢個髮型都係偷Haruhi師的 (希望佢同佢個女女唔好介意呢  因為我覺得佢幫佢隻VM set呢type o既頭好襯佢所以自己先一試呢 ) 之後再搵衫衫襯返呢個頭 終於, 英國o既夏天都未真正黎到女女已經等唔到了 (就好似佢阿媽我o甘  ) 呢個look係女女第一次o既打扮, 我幾滿意呢
請Click以上圖片看更多的相片
|
|
日常分享｜記事全文｜トラックバック：0｜コメント：4｜▲
| |
|
■終於都買到了買到了買到了!!!!!!
2006/03/22 09:38
|
今日同一個好耐冇傾加好耐冇見o既朋友傾msn, 同佢o既相識都係因為B女 頭先佢同我講佢想放佢隻AB同SB,之後我問佢隻AB放幾錢, 佢話220鎊, 其實AB一直都係我其中一隻Dream B (另一隻係YSL, 但好好彩的我一月頭買了一隻二手的, 雖然唔係Matt但已經心滿意足了 ) 但因為而家經濟情況唔容許我再買野了, nevermind拎成220鎊出黎買一隻女女呢 (年尾嘛, 個個都叫冇錢的 )
呢個朋友好好心地話留俾我, 因為佢由認識我果一刻開始就知我好鍾意AB的了 但我又唔好意思要佢留到我再一次返英國當我荷包肥返晒果陣先交收喎, 因為話晒錢又未俾�彭�冇口頭話要但都好似好唔實際o甘 唔係信唔過個朋友而個朋友都唔係信我唔過, 只係我自己個人認為呢
Anyway, 經過左一輪詳談之後, 我會先俾佢五十鎊落訂, 之後佢就keep住隻B keep到我summer再有錢o既時候先再俾埋尾數 就係o甘o係一個無心之下家族成員又多一名了
睇相呢, 女女個前陰係亂左少少 (佢套果個膠圈套得唔好 ) 但因為隻AB我都見過的, Condition好好加冇花, 同埋我呢個朋友都係錫女之人呢 雖然仲要等多半年我先去接個女, 但為左而家o既經濟情況同埋各方面o既野, 唯有忍一下吧 我等得到個女女, 我諗女女應該等得到我吧
|
|
Blythe｜記事全文｜トラックバック：1｜コメント：2｜▲
| |
|
■黎緊喇黎緊喇黎緊喇
2006/03/21 04:09
|
同男朋友過左一個好長o既weekend呢  因為個Weekend係冇野做o既, 所以帶埋個女女去睇下會唔會有機會出去同女女影下相o甘, 無奈天不做美, 星期六果日好凍, 星期日果日好大風, 星期一落毛毛雨  變左雖然係一個o甘長o既weekend但女女同我一樣都係留o係屋內, 無無聊聊地過了一個無無聊聊的weekend了 (不過當然我會俾我女女還好, At least我都有出去睇下戲同行下街, 但女女就邊到都冇得去呢 )
今日上網同Queenie傾左一陣, 因為早前佢幫我買了女女了, 佢send左D相俾我睇成個parcel係�悳訶�呢
好大個Parcel呢, 入面到底有D��呢?
原來入面有B女一隻, P女一隻, 一套B女衫, 一套B女新原廠衣服, 一本B書, 仲有兩套Queenie (有血有汗的) 衣服 有時諗真一下, 做隻B女還好過做人呢
P.S: Sandora, 我而家用緊果個你所謂o既好可愛o既公仔喇哇哈哈
|
|
日常分享｜記事全文｜トラックバック：0｜コメント：6｜▲
| |
|
■變返靚靚了
2006/03/18 01:50
|
早幾個月借左個女女俾一個唔識玩B但kind of識影相o既朋友, 佢問我借女o既原因係因為想用我D女女做model (但問過佢幾次佢幾次都話冇時間影女) anyway, 因為呢個朋友係食煙的, 加上呢個朋友對B女豪無認識, 如點樣去保護個女呀, 點樣打理等等, 所以可憐的女女返黎之後除左煙味仲有煙味 =( 仲有頭髮打晒交, 情況慘不忍睹 =(
琴晚終於都忍唔住用左差唔多一晚o既時間黎幫女女大清身, 將一個成頭煙味o既女女洗左四次頭, 再將身上o既異味用我自己本身o既shower gel黎清左兩次 (估唔到一件膠可以有o甘多煙味) 之後慢慢再梳返順佢D頭髮 (佢返黎個頭好似打完仗o甘, 唔敢梳因為一梳個頭D煙味就出晒黎) 終於女女都變返靚靚同乾淨了
大洗後o既女女個樣好似好tired o甘, 不過我將佢之前填滿煙味o既衣服除左加拎左去洗, 再換衫一D "乾淨" o既衫衫俾佢, 雖然個樣仲好似好tired o甘但at least俾之前精神好多了 =)
|
|
日常分享｜記事全文｜トラックバック：0｜コメント：0｜▲
| |
|
■買到了買到了
2006/03/17 06:18
|
其實一直都對 "Cute and Curious" 冇�弑充�, 直至最近o係Blythe一個中文forum上面見到B媽Haruhi買了一隻, 加上又見到佢幫女女影o既相, 就係o甘我就愛上左呢個女女了
就係o甘o係網上面拜託其中一個好友Queenie幫我o係香港睇睇呢隻女女賣幾錢, 之後另一名同在英國o既好友Sandora同我講另一個中文Forum上面有人賣呢隻女女, 並以街價便宜三百蚊港幣左右, 就係o甘我就叫Queenie幫我問一問果個賣家仲有冇貨, 幸運的我佢仲有存貨呢, 所以今日Queenie就幫我出去交收, 而家族o既成員將會再多一名呢 *0*
女兒名字為Cocomi =) 係Queenie幫我諗的, o係呢到: 多謝你呢~ (k)
|
|
Blythe｜記事全文｜トラックバック：0｜コメント：8｜▲
| |
|
■介紹 - 二女Tiyli
2006/03/16 03:51
|
一心諗住家族成員只有一名o既時候, o係短短兩日o既時間, 家族由一名成員�甓壇�兩名, 第二名o既成員有一個好動聽o既名字 - "I love you it's true" 由於當佢被推出果陣同另一隻女女 "Sunday Very Best" 一齊推出, o係兩個都鍾意o既情況之下我就決定了要一個有動人名字o既女兒了 =)
其實呢個女女第一樣真正attract我o既地方並唔係佢個外表, 而係出產公司出產呢隻公仔背後o既意思, 好記得呢一隻女女本身係kind of "情人節special" o甘出的 (如果唔係都唔會叫做 "I love you it's true" 啦) 但因為生產部公仔頭髮唔夠所以唔能夠o係情人節果段時間推出, 因為o甘佢先會同 "Sunday Very Best" 同期推出的, 雖然唔能夠o係情人節果段時間推出但個意思真係好好, 加上越睇佢官方網頁o既相個心就越想得到佢呢, 雖然 "Sunday Very Best" 都好可愛但我真係唔能夠抵擋呢一隻女女o既魔力呢
由於經過 "買貴女" o既經歷, 所以o係買呢一隻女女果陣我o係TIB (This is blythe) 個forum上面出post問下身在英國o既人係o係邊到買女女的, 一問之下D人recommend我上eBay睇下, 就係o甘我以美金80元連Shipping買了我第二個女兒了 (當然, 返到香港之後發現果陣香港只係賣500港幣) 得到手之後再將佢從盒中放出來, 拎上手果一刻開始就唔能夠將佢放低了, 柔軟順滑o既金髮, 加上有兩套outfits好襯佢o既outfits, 咀型好似成日甜絲絲地笑著, 見到佢連個心都會甜埋呢
Tiyli呢個名字係由我一個好友改o既, 其實都冇�廾媚�o既, 只係將 "I love you it's true" 番轉頭 "True it's you love i" 再拎每一個字第一個英文字母而得黎的 =) 以下係Tiyli一個少少的簡介 =)
請Click以上圖片看更多的相片
Name: Tiyli
Date of Birth: 2nd April 2004
Place of Birth: Birmingham, the United Kingdom
Type of Blythe: I Love You It's True (IOU)
Body type: SBL
Customized: 換晒眼片, 分別係左眼橙色加閃紙, 正眼�鄂Р蛋�紙, 右眼藍色加閃紙, 正眼�皸畫霓Р蛋�紙
|
|
介紹｜記事全文｜トラックバック：0｜コメント：3｜▲
| |
|
■五個月紀念日
2006/03/15 10:00
|
今日係同男朋友拍拖五個月紀念日 ^^ 男朋友約左我今晚出去, 因為唔知會唔會出去食飯所以冇帶到女女出去呢 ^^" 不過都唔緊要, 返黎幫女女影左一張相以作紀念 =) 兩個女女係男朋友送作生日同聖誕禮物 (因為我生日係o係聖誕之前三個星期呢) 其實佢係以一個 "White Magic" section o甘一set三隻的送俾我, 不過當佢知道左White Magic Morning係全球限定500隻之後就叫我唔好放個女女出黎呢 ^^" 就係o甘相中只有兩隻女女囉 =P
|
|
日常分享｜記事全文｜トラックバック：1｜コメント：4｜▲
| |
|
■介紹 - 大女雪兒
2006/03/14 10:12
|
家族中現時有女兒十八人, 當中當然有大細之分 =) 仲記得我買第一個女女返黎果陣, 因為唔知o係邊到可以買到, 所以o係網上面誤信一間店舖買貴女 (我買果陣連埋Shipping要88英鎊, 幾個月後返到香港發現香港只係賣800港幣以下) 因為買貴左, 所以比較痛鍚 ^^"
仲記得初初買佢返黎果陣o既期待同埋喜��, 因為係第一隻所以心情特別緊張, 不過仲係新手o既我第一個女女就黎一個頭髮十分難打理o既Silver Snow (SS) 其實買果陣睇相片我係比較鍾意Tea For Two (T42) 的但果間店舖只係得返Silver Snow, 而當時我真係好想要一頭Blythe o既我o係一個等唔到o既情況下就買左佢返黎了, 仲好記得由盒到拎佢出黎果陣佢個頭o既凌亂程度, 因為細細過有玩過Barbie o既關係, 知道如果公仔係Curly hair的話不宜梳, 無奈唔梳o既話佢個頭就真係好 "癲婆"
幾個月之後返香港過Summer, 睇左好多websites知道可以幫Blythe做一個公仔 "負離子" (仲好記得果陣同一D唔玩公仔o既朋友講我幫我隻公仔做 "負離子" 當時佢地o既眼神同反應我仲好記得) 終於o係一個冇出街冇野做又好悶熱o既日子入面, 我用左差唔多五個鐘頭o既時間幫我呢個女女做左一頭 "負離子" 直髮 ^^
Anyway, 上面o既係一個我同我呢個女女的少少背景, 因為佢係第一隻, 同佢經驗左好多野, 所以如果要講o既話真係講天光都講唔晒, 所以下面有一個關於佢o既少少profile呢 ^^
請click以上圖片看更多的相片
Name: 雪兒 (係Byrnes' Family中唯一一隻有中文名冇英文名o既成員)
Date of Birth: 31st March 2004 (生日就快到喇)
Place of Birth: Birmingham, the United Kingdom
Type of Blythe: Silver Snow (SS)
Body type: SBL
Customized: 負離子直髮, 洗掉了胭脂, 咀色由原本米白色變了現在的粉紅色, 睡眼
|
|
介紹｜記事全文｜トラックバック：0｜コメント：27｜▲
| |
|
■歡迎光臨The Byrnes' Family
2006/03/13 03:18
|
歡迎大家黎到The Byrnes' Family o既網誌, The Byrnes' Family係由我加我自己一班好可愛的 *女兒* Blythe公仔所組成 =) 到目前The Byrnes' Family o既成員由2004年3月31日開始o既一個到今日2006年3月13日o既十八個 =) 而o係未來一至兩個星期The Byrnes' Family o既成員將會再加多一個 =D 呢到都係令人好興奮又期待o既消息呢 ^^
Anyway, 由於最近天氣唔太好所以冇�恣旄�D女女去影相, 加上最近終於都捨得upload下之前影o既女女相了 =) 分享一下丫 =)
想睇多幾張? Click一click上面張相就可以睇多幾張了 =)
|
|
日常分享｜記事全文｜トラックバック：0｜コメント：40｜▲
| |
| |
| |
